現時大部分公共屋苑或私人住宅嘅浴室都唔可以缺少浴屏。浴屏除左能夠增加浴室嘅整潔感之外，仲可以建立一條明確嘅分界線，將浴室乾濕分離，保持空間乾爽、防止水花濺到地板上，大大減低導致滑倒嘅危險。浴屏亦能夠保護隱私，令你喺淋浴時刻置身於一個最舒適嘅獨立環境，放鬆身心。

過黎門市或網店揀選浴屏之前，我地建議可以先睇睇以下資料，及影低浴室嘅相片以方便我地同事了解一下石基嘅形狀及可用嘅空間，從而配搭出最適合你風格嘅浴屏。簡單為大家介紹一下浴屏嘅資訊，希望可以有效幫助大家揀啱心水嘅浴屏啦！

1)浴屏材質

浴屏邊框主要分為不銹鋼同鋁合金兩種金屬材質組成。

不銹鋼框浴屏 — 密度高、較耐用及防酸鹼能力比鋁合金強，普遍較少有生鏽問題

鋁合金框浴屏 — 較輕身、價錢比不銹鋼框低

2)浴屏尺寸

浴屏嘅尺寸會因應唔同浴室大細及個人需求而有所不同。如果未能清楚自己嘅浴屏尺寸亦唔需要擔心，因為我地嘅浴屏價錢會包括上門度尺，由專業師傅親身到單位度尺以確保尺寸最準確，做出最適合你嘅浴屏。

3)浴屏框

有框款 —  更具支撐力及密閉性，可隱藏路軌等五金配件。

無框款 — 視覺上更通透及較有空間感、簡潔俐落。

有框款可以因應個人喜好選擇框嘅顏色，一般較多客人選用亮銀/拉絲/鈦黑/啞黑/玫瑰金/拉絲灰色等等。而無框款有部份款式亦可以選擇五金配件嘅顏色，一般有亮銀/拉絲/啞黑等等，更多有關其他顏色或需要色版都可以向我地同事查詢。

4)浴屏門

趟門 — 較節省空間，可因應尺寸去選擇做單趟門、雙趟門或三趟門。

掩門 — 需較大空間，可選擇推入或拉出，須確保門口位置沒有阻擋。

5)浴屏款式

一字浴屏

意思係有三面牆包圍住，由一邊平面組成嘅浴屏。

- 淋浴空間較大、適用於大部分面積嘅浴室

- 可以做趟門 (單趟門、雙趟門、三趟門) 或掩門設計

L字浴屏

意思係只有一面牆、沒有包圍，由一邊連接到另一邊呈L字組成嘅浴屏。

- 淋浴空間較大、適用於大部分面積嘅浴室

- 可以做趟門 (單趟門、雙趟門、三趟門) 或掩門設計

對角浴屏

意思係有兩面牆包圍成對角，由兩邊呈90度組成嘅浴屏。

- 充份利用角落空間、適用於面積較小嘅浴室

- 可以做趟門 (單趟門、雙趟門) 或掩門設計

鑽石形

意思係有兩面牆包圍成對角，由三邊呈鑽石形組成嘅浴屏。

- 充份利用角落空間、適用於面積較小嘅浴室

- 可以做趟門 (單趟門、雙趟門) 或掩門設計

扇形浴屏

意思係有兩面牆包圍成對角，由彎曲玻璃呈扇形組成嘅浴屏。

- 充份利用角落空間、適用於面積較小嘅浴室

- 可以做雙趟門設計

註: 個別的產品可能因其獨特性而有所差異，

如有疑問歡迎致電 26778068 / 26689782查詢。

___________________________________________________________________________________________

浴屏篇- 防爆膜有咩用處?浴屏點保用?

1) 浴屏玻璃

浴屏玻璃 — 我地嘅浴屏都選用安全鋼化玻璃，強度比起普通玻璃高4-5倍，絕對有足夠嘅穩定性同達到最高嘅抗震標準，可以安心使用。

玻璃顏色 — 主要分為透明玻璃、磨砂玻璃同灰玻璃。透明玻璃可以增加空間感，顯得空間較寬敞及明亮。磨砂玻璃就可以增加私密度，同時亦保持光線穿透唔會太暗淡。而灰玻璃除左私密度最高之外，仲可以具備獨特嘅型格感。

2)浴屏額外配置

防爆膜 — 一款抗撕裂、抗穿透嘅聚酯薄膜，有加強安全性嘅作用。例如玻璃發生爆裂時，防爆膜可以令碎片黏起唔會四處飛濺，減少意外嘅傷害性。

納米塗層 — 一款特別塗料令水滴無法完全沾附喺玻璃表面、自然滑落。亦可以減少堆積灰塵及殘留污積嘅機會，相當於有”自行清潔”嘅效果。

3) 浴屏保養

售後保養服務 — 浴屏都有售後保養服務，訂購浴屏後請保留發票以方便喺保養期內有問題時，都可以聯絡我地嘅同事跟進。

自行保養 — 建議每次使用後，將浴屏擦乾以防止殘留肥皂渣及堆積水漬。亦可以使用溫和嘅清潔劑同溫水擦拭浴屏，避免使用研磨性嘅清潔劑引致刮傷浴屏嘅表面。

註: 個別的產品可能因其獨特性而有所差異，

如有疑問歡迎致電 26778068 / 26689782查詢。